930x90 Website name and slogan

ქალთა გრან პრი - მონაკოში!

მონაკოში, სტარტი აიღო ქალთა მსოფლიო გრან პრის  მეორე  ეტაპმა  ნანა ძაგნიძის  მონაწილეობით.

ასპარეზობა წრიული სისტემით 11 ტურად გაიმართება 12 მონაწილეს შორის. სათამაშო  დღეები: 3-8; 10-14 დეკემბერი; დასვენების დღე 9 დეკემბერი;

პირველ ტურში ნანამ, შავი ფიგურებით ჰარიკა დრონოვალი დაუპირისპირდა და  ყაიმით დაასრულა შეხვედრა. მეორე ტურში ქართველი დიდოსტატის მეტოქე უკრაინელი ანა მუზიჩუკი იქნება.

გრან პრის მეორე ეტაპზე მონაწილეობენ:

დიდი წარმატებით იასპარეზა!

დიდი წარმატებით იასპარეზა დავით ნემსაძემ ესტონეთის დედაქალაქ ტალინში გამართულ ევროპის ახალგაზრდულ ჩემპიონატზე სწრაფ ჭადრაკში 12 წლამდე ასაკის ჭაბუკებს შორის!

ქუთაისელმა მოზარდმა 9-დან  7 ქულით II-IV ადგილი გაინაწილა მიხეი ნავუმენკასა(ბელორუსია) და ლუკა  რისტიჩტან ერთად. ხოლო, ჩემპიონის  

ტიტული 8 ქულით ივან საველიევმა (რუსეთი) დაისაკუთრა.

საპრიზო ადგილი გაინაწილა!

საქართველოს ნაკრების წევრმა, ნინო ბაციაშვილმა III-VIII ადგილები გაინაწილა მონაკოში დასრულებულ ევროპის ჩემპიონატზე სწრაფ ჭადრაკში!

ჩემპიონატზე 9-9 ქულით პირველობა ალექსანდრა კოსტენიუკმა და ოლგა გირიამ(რუსეთი) გაინაწილეს, თუმცა დამატებითი მაჩვენებლებით ევროპის უძლიერესი ‘ბლიციორის’ ტიტული კოსტენიუკმა დაისაკუთრა.

ასევე, დამატებითი მაჩვენებლებით IV ადგილზე გავიდა ბათუმელი დიდოსტატი ნინო ბაციაშვილი.

პირველად ჭადრაკის ისტორიაში!

 

მონაკოში, პირველად გაიმართა ევროპის საჭადრაკო კავშირის მიერ დაწესებული და ორგანიზებული ‘ოქროს პაიკის’ დაჯილდოება.  

ნომინაციები:

1.საუკეთესო ევროპული წიგნი: რუბენ დავიდ გონსალეს გალეგო - ‘ჭადრაკი’;

2.საუკეთესო ევროპული ფილმი:’ჭადრაკის პარტია’1994 წელი, დენის ლავანტი,პიერ რიშარი, კატრინ დენევი;

3.საუკეთესო ევროპული გამოცემა: ‘New  In Chess’;

ევროპის ჩემპიონატი ელვისებურ ჭადრაკში...

მონაკოში, დასრულდა ევროპის ჩემპიონატი ელვისებურ ჭადრაკში. ასპარეზობა შვეიცარული სისტემით 13 ტურად გაიმართა და 25 ქვეყნის 90-მდე მონაწილეს მოუყარა თავი.

ჩემპიონის ტიტული ერთპიროვნულად დაისაკუთრა მსოფლიოს ექსჩემპიონმა ალექსანდრა კოსტენიუკმა (რუსეთი), გამარჯვებულს ნახევარი ქულით ჩამორჩნენ და დამატებითი მაჩვენებლებით შემდეგნაირად განაწილდნენ:

2.ანტოანეტა სტეფანოვა (ბულგარეთი);

3.ვალენტინა გუნინა  (რუსეთი);

ევროპის ჩემპიონატზე ელვისებურ ჭადრაკში 3 ქართველი იასპარეზებს!

დღეს, მონაკოში სტარტს აიღებს ევროპის პირველობა ელვისებურ ჭადრაკში ქალთა შორის.ჩემპიონატზე  25 ქვეყნის 90 მოჭადრაკე მონაწილეობს.

საქართველოს  სახელით იასპარეზებენ: ნონა გაფრინდაშვილი, მაია ჩიბურდანიძე და  ნანა ძაგნიძე.

ტექნიკური შედეგები

ფედერაციის თასის გამარჯვებულები გამოვლინდნენ!

თბილისის ჭადრაკის სასახლეში დასრულდა საქართველოს ჭადრაკის ფედერაციის/ალექსანდრე ჩიკვაიძის თასის გათამაშება.

ასპარეზობა 3 ასაკობრივ (8;19;12 წწ.) კატეგორიაში 6 ტურნირად როგორც გოგონათა ასევე ჭაბუკთა შორის გაიმართა. შეჯიბრი შვეიცარული სისტემით 7 ტურად ჩატარდა და მასში საქართველოს თითქმის ყველა რეგიონის წარმომადგენელი მონაწილეობდა. ფედერაციის თასის გათამაშებაზე ასევე დაწესებული იყო საპრიზო ფონდი 6 000 ლარის ოდენობით.

Top