ჯობავა, წინ მიიწევს!

მორიგი გამარჯვება იზეიმა, ბაადურ ჯობავამ მინსკში მიმდინარე ევროპის პირად ჩემპიონატზე ვაჟთა შორის. შავი ფიგურებით მოთამაშე ქართული ჭადრაკის ლიდერმა კარგად გამოიყენა მეტოქის უზუსტობები და ეფექტურად გაიმარჯვა 25-ე სვლაზე. ამ გამარჯვებით, ჯობავამ კიდევ ერთი ნაბიჯი გადადგა პირველობისკენ.

ჩემპიონატზე, ჯერჯერობით ლიდერობას ინგლისელი დავიდ ჰოუელი ინარჩუნებს. მის აქტივში 9-დან 7,5 ქულაა. ლიდერს ნახევარი ქულით ჩამორჩება შემდეგი ოთხეული:ანტონ დემჩენკო (რუსეთი),მაქსიმ მატლაკოვი (რუსეთი),არმან მიქაელიანი (სომხეთი) და ჯობავა.

ფინიშამდე 2 ტურით ადრე ევროპირველობაზე ძალიან დაიძაბა სატურნირო მდგომარეობა და სავარაუდოდ ჩემპიონობის ბედი შემდეგ შეხვედრებში გადაწყდება:

მატლაკოვი - ჰოუელი; დემჩენკო - ჯობავა და მიქაელიანი - ნავარა.

მეცხრე ტურის შედეგები ქართველი მოჭადრაკეების მონაწილეობით:

გევეინ ჯონსი(ინგლისი;2654) 0 : 1 ბაადურ ჯობავა (2713)

მიხეილ მჭედლიშვილი (2605) ½:½ ბორის გრაჩევი(რუსეთი;2658,)

იგორ კოვალენკო(ლატვია;2657) ½:½ ლუკა პაიჭაძე (2568)

მარტინ კრავცივი(უკრაინა;2653) ½:½ თამაზ გელაშვილი (2563)

დავით ჯოჯუა (2581) ½:½ ლუკა ლენიჩი (სლოვენია;2641)

ალექსეი სარანა (რუსეთი;2472) 1 : 0 ლევან ფანცულაია (2594)

თორნიკე სანიკიძე (2518) 1 : 0 მათეუს ბარტელი (პოლონეთი;2657)

ნათან ბირნბოიმი (ისრაელი;2358) 0 : 1 ზურაბ სტურუა (2555)

მერი არაბიძე (2374) 0: 1 ვოიტეჩ პლატი (ჩეხეთი;2522)