რუმინეთიც დაჯაბნეს!

დიდი ანგარიშით - 3:1 გაიმარჯვეს ქართველმა ვაჟებმა რუმინელებთან შეხვედრაში!

გუნდს გამარჯვების ქულა ბაადურ ჯობავამ და ლევან ფანცულაიამ მოუტანა.

 

 

ესპანეთსაც მოუგეს!

ბრწყინვალედ ითამაშეს ჩვენმა ვაჟებმა ბაქოში მიმდინარე საჭადრაკო ოლიმპიადის მე-5 ტურში და ესპანეთის უძლიერესი ნაკრები გაანადგურეს ანგარიშით - 3,5:0,5! ხოლო, გუნდის ლიდერმა, ბაადურ ჯობავამ კიდევ ერთი ტოპ-დიდოსტატი ფრანსისკო პონს ვალეხო (2716)  დაამარცხა შავი ფიგურებით დაძაბულ ბრძოლაში. გუნდის დანარჩენმა წევრებმაც გამოიჩინეს თავი: თამაზ გელაშვილმა (2575) შავებით  რენიერ ვასკეს იგარზას (2580) სძლია , ლევან ფანცულაიამ თეთრი ფიგურებით დავიდ ანტონ გუიხაროს (2630) მოუგო, თორნიკე სანიკიძე კი თეთრებითვე ხოსე კარლოს იბარა ხერესს (2566) დაუზავდა.

ჯობავამ, მსოფლიოს ექსჩემპიონი დაამარცხა!

საჭადრაკო ოლიმპიადის მე-4 ტურში, ქართული ჭადრაკის ლიდერმა, ბაადურ ჯობავამ მსოფლიოს ექსჩემპიონი ვესელინ ტოპალოვი დაამარცხა!

ფინალური პოზიცია

 

 ლიდერს ტოლი არ დაუდეს თნაგუნდელებმაც. გაიმარჯვა მიხეილ მჭედლიშვილმა, ხოლო ლევან ფანცულაიამ და თორნიკე სანიკიძემ ფრედ დაასრულეს შეხვედრები.

ტურის ცენტრალური და პრინციპული შეხვედრა გახლდათ: რუსეთისა და უკრაინის დაპირისპირება.სადაც, დაძაბულ ბრძოლაში, მინიმალური ანგარიშით უკრაინელებმა იმარჯვეს.

დიდი ანგარიშით გაიმარჯვეს!

ქართველმა ქალებმა დიდი ანგარიშით - 3,5:0,5  დაამარცხეს ესტონელი მოჭადრაკეები ბაქოში მიმდინარე  ოლიმპიადის მესამე ტურში .მეოთხე ტურში კი მათი მეტოქე ეგვიპტის ნაკრები იქნება.

ასევე, დიდი ანგარიშით - 3:1 გაიმარჯვეს ჩვენმა ვაჟებმა  სლოვაკეთის ძლიერ გუნდთან შეხვედრაში. მათ აქტივში 2 სამატჩო გამარჯვება და 1 ფრედ დასრულებული შეხვედრაა. ხოლო, მომდევნო ტურში  ჩვენები ბულგარელებს დაუპირისპირდებიან.

ოფიციალური  ვებგვერდი

ტექნიკური შედეგები:

წარმატებით დაიწყეს!

 

ბაქოში, დაწყებული საჭადრაკო ოლიმპიადის პირველ ტურში ჩვენმა ქალებმა მშრალი ანგარიშით - 4:0 გაიმარჯვეს და მეორე ტურში ფილიპინელ მოჭადრაკეებს შეხვდებიან.

დიდი ანგარიშით- 3,5:0,5 მოიგეს ქართველმა ვაჟებმა და მომდევნო ტურში ირანელ კოლეგებს დაუპირისპირდებიან.ორივე ნაკრებმა სასტარტო ტურში თავიანთი ლიდერების: ნანა ძაგნიძის და ბაადურ ჯობავას გარეშე იასპარეზა.

ოფიციალური  ვებგვერდი

ტექნიკური შედეგები:

საზეიმოდ გაიხსნა...

ბაქოში, საზეიმო ვითარებაში გაიხსნა მსოფლიოს რიგით 42-ე საჭადრაკო ოლიმპიადა.

ასპარეზობა შვეიცარული სისტემით 11 ტურად გაიმართება როგორც ქალთა ასევე ვაჟთა გუნდებს შორის.

სათამაშო დღეებია: 02-06; 08-13 სექტემბერი;

დროის კონტროლი: 90 წუთი 40 სვლაზე + 30 წუთი პარტიის ბოლომდე + 30 წამიანი დამატებით პირველივე სვლიდან;

30 სვლამდე აკრძალულია ყაიმზე შეთანხმება.

გვერდები

Top