დამაჯერებელი გამარჯვება!

ლევან ფანცულაიას ბრწყინვალე გამარჯვებით დასრულდა ვაჟთა გრან პრის II  ეტაპი სწრაფ ჭადრაკში. გამარჯვებულმა 9-დან 8 პარტია მოიგო, მხოლოდ ერთ პარტიაში დაუზავდა მეტოქეს და საკუთარ რეიტინგს 24 ქულა შემატა.

7- 7 ქულა დააგროვეს და II - III  ადგილები გაინაწილეს: ბრაზილიელმა დიდოსტატმა ალექსანდრ ფიერმა და რუსეთის ფედერაციის სახელით მოასპარეზე ოსტატმა, დავიდ გოჩელაშვილმა.

დაწინაურდა ორეული...

თბილისის ჭადრაკის სასახლეში დაიწყო ქართული ვაჟთა გრან პრის II ეტაპი სწრაფ ჭადრაკში. პირველ სათამაშო დღეს  მონაწილეებმა 4 ტური ითამაშეს. ქულათა მაქსიმუმით სატურნირო ცხრილის სათავეში არიან და მომდევნო, მეხუთე ტურში ერთმანეთში გაარკვევენ უძლიერესს: ლევან ფანცულაია და ბრაზილიელი ალექსანდრ ფიერი.

აღსანიშნავია, რომ ასპარეზობაზე  4 ქვეყნის: საქართველო, ბრაზილია,რუსეთი და ესპანეთის 47 მოჭადრაკე მონაწილეობს.

 

მნიშვნელოვანი გამარჯვება იზეიმა!

მნიშვნელოვანი გამარჯვება მოიპოვა ნანა ძაგნიძემ ევროპირველობის მერვე ტურში სომეხ დიდოსტატ ელინა დანიელიანთან და 6,5 ქულით კვლავ სატურნირო ცხრილის სათავეშია. მომდევნო მეცხრე ტურში ნანას საჩემპიონო პარტია ელოდება მსოფლიოს ექსჩემპიონ მარია მუზიჩუკთან დაპირისპირებაში.

ფრედ დაასრულეს ერთმანეთში შეხვედრა ლიდერთა ჯგუფში მყოფმა: ნინო ბაციაშვილმა და ბელა ხოტენაშვილმა.

 

მეცხრე ტურის შეხვედრები:

ჭადრაკის სასახლეში ერთობლივი პრესკონფერენცია გაიმართა...

17 აპრილს თბილისის ჭადრაკის სასახლეში საქართველოს ჭადრაკის ფედერაციის პრეზიდენტმა გიორგი გიორგაძემ და ევროპის საჭადრაკო კავშირის პრეზიდენტმა და ამავდროულად, 2018 წლის ბათუმის საჭადრაკო ოლიმპიადის საორგანიზაციო კომიტეტის დირექტორმა ზურაბ აზმაიფარაშვილმა ერთობლივი პრესკონფერენცია გამართეს.

ანონსი

 

საქართველოს ჭადრაკის ფედერაციის პრეზიდენტი გიორგი გიორგაძე და ევროპის საჭადრაკო კავშირის პრეზიდენტი, ბათუმის საჭადრაკო ოლიმპიადის საორგანიზაციო კომიტეტის დირექტორი ზურაბ აზმაიფარაშვილი 18 აპრილს, 13.00 საათზე ჭადრაკის სასახლეში ერთობლივ პრესკონფერენციას მართავენ.

პირველობას ინაწილებს!

მეექვსე ტურში მორიგი გამარჯვება იზეიმა და სატურნირო ცხრილს სათავეში ჩაუდგა ქართული ჭადრაკის ლიდერი ნანა ძაგნიძე! ქართველი მოჭადრაკის მსხვერპლი მეექვსე ტურში ევროპის ექსჩემპიონი ეკატერინა ატალიკი გახდა. ამრიგად, ნანა  6-დან 5 ქულით (4 მოგება,2 ფრე) პირველობას რუსეთის ნაკრების წევრ ალექსანდრა გორიაჩკინასთან ერთად ინაწილებს.მომდევნო ტურში სწორედ მათი დაპირისპირება იქნება ყურდღების ცენტრში.

ლიდერთა ორეულს ნახევარი ქულით ჩამორჩებიან და ლიდერთა ათეულში დაიმკვიდრეს ადგილი: ბელა ხოტენაშვილმა და ლელა ჯავახიშვილმა. მ

მეწინავე პოზიციას ინარჩუნებს!

ნანა ძაგნიძემ, რიგაში მიმდინარე ევროპის პირადი პირველობის მეოთხე ტურში ფრედ დაასრულა შეხვედრა მსოფლიოს ვიცე-ჩემპიონ ანა მუზიჩუკთან და მეწინავის პოზიციაც შეინარჩუნა.

ასევე ფრედ დაასრულა შეხვედრა ჩემპიონატის თითქმის ყველა ქართველმა მონაწილემ. გამონაკლისს ლელა ჯავახიშვილი შეადგენს რომელმაც თანამემამულე სოფო გვეტაძე დაამარცხა.

ამრიგად, ასპარეზობას ოთხი ტურის შემდეგ 3.5-3.5 ქულით 6 მონაწილე ლიდერობს:

ერთპიროვნულად გალიდერდა!

 

ზედიზედ მესამე გამარჯვება მოიპოვა და ერთპიროვნულად დაწინაურდა  რიგაში მიმდინარე ევროპის ჩემპიონატზე ნანა ძაგნიძე! მესამე ტურში ნანამ უნგრეთის ნაკრების წევრი პეტრა პაპი დაამარცხა. მომდევნო ტურში ქართველ დიდოსტატს ურთულესი, ჩემპიონობისათვის მნიშვნელოვანი ეხვედრა ელის მსოფლიოს ვიცე-ჩემპიონ ანა მუზიჩუკთან.

'ჭადრაკის დღე' მოსწავლე-ახალგაზრდობის სასახლეში.

12 აპრილს, მოსწავლე-ახალგაზრდობის ეროვნულ სასახლეში აღინიშა „ჭადრაკის დღე“, რომელიც მიეძღვნა სასახლისა და საჭადრაკო სკოლის 75 წლის იუბილეს.

ძაგნიძე, დაწინაურდა!

ლატვიის დედაქალაქ რიგაში მიმდინარე ევროპის ქალთა ჩემპიონატზე ორი ტურის  შემდეგ დანაკარგის გარეშე ასპარეზობს და ლიდერთა შორის იმყოფება ნანა ძაგნიძე! შეიძლება ითქვას რომ, მეორე ტურმა კარგად ჩაიარა ჩვენი მოჭადრაკეებისათვის, მხოლოდ ნინო ბაციაშვილმა დაკარგა ქულა.

მეორე ტურის ტექნიკური შედეგები:

ნანა ძაგნიძე         1:0 ოლგა ბაბიჩი (2359, უკრაინა)

გვერდები

Top