შესანიშნავად იასპარეზა საქართველოს ქალთა ნაკრების ლიდერმა, ნანა ძაგნიძემ მიუნხენში დასრულებულ ქალთა გრან პრის გათამაშების მეორე ეტაპზე!
ქართველმა დიდოსტატმა 11-დან 6,5 ქულა დააგროვა და მესამე ადგილზე გავიდა. ნანამ, ტურნირზე ნათამაშებ 11 პარტიაში 3-ჯერ იზეიმა გამარჯვება, 7 ყაიმით დაასრულა და მხოლოდ ერთ შეხვედრაში განიცადა მარცხი.
პირველ ადგილზე 11-დან 7,5 ქულით, ფიდეს სახელით მოასპარეზე ალექსანდრა კოსტენიუკი გავიდა, ხოლო მეორეზე ინდოელი ჰამპი კონერუ.
საბოლოო სატურნირო მდგომარეობა:
- ალექსანდრა კოსტენიუკი (ფიდე) – 7,5 ქულა;
- ჰამპი კონერუ (ინდოეთი) – 7 ქულა;
- ნანა ძაგნიძე (საქართველო) – 6,5 ქულა;
- ჰარიკა დრონავალი(ინდოეთი) – 6 ქულა;
- ჟუ ჯინერი (ჩინეთი) – 5,5 ქულა;
- ჟანსაი აბდუმალიკი(ყაზახეთი) – 5,5 ქულა;
- ელიზაბეტ პეტცი (გერმანია) – 5,5 ქულა;
- ტან ჟონგი (ჩინეთი) – 5,5 ქულა;
- მარია მუზიჩუკი (უკრაინა) –5 ქულა;
- ალინა კაშინსკაია (პოლონეთი) – 4,5 ქულა;
- ანა მუზიჩუკი (უკრაინა) – 4 ქულა;
- დინარა ვაგნერი (გერმანია) – 3,5 ქულა;
- ქალთა გრან-პრის გათამაშებაში სულ 16 ქალი-მოჭადრაკე მონაწილეობს და თითოეული ეტაპის საპრიზო ფონდი 80 000 ევროა, საიდანაც გამარჯვებულის წილად 15 000 მოდის.
ფიდეს ქალთა გრან-პრის სერიის ფარგლებში 4 ეტაპი გაიმართება და აქედან თითოეული მონაწილისთვის 3 ტურნირშია სავალდებულო თამაში.
